मोर्चामध्ये सहभागी झालेल्या बांधवांसाठी नाश्त्याची व्यवस्था; नगरसेवक विलास लोंढे व मित्रपरिवाराचा सेवाभावी उपक्रम
धाराशिव : अनुसूचित जाती उपवर्गीकरण समर्थन मोर्चासाठी धाराशिव येथे आलेल्या बांधवांसाठी साहित्यरत्न लोकशाहीर अण्णाभाऊ साठे चौकात नाश्त्याची व्यवस्था करून नगरसेवक विलास लोंढे व त्यांच्या सहकारी मित्रपरिवाराने सामाजिक बांधिलकीचा आदर्श घालून दिला.
मोर्चासाठी दूरवरून आलेल्या बांधवांची गैरसोय होऊ नये, यासाठी नाश्ता व अल्पोपहाराची व्यवस्था करण्यात आली. यावेळी नगरसेवक विलास लोंढे यांच्यासह सहकारी मित्रपरिवाराने स्वतः उपस्थित राहून सेवाभावाने बांधवांना नाश्ता दिला.
समाजासाठी केलेली खरी सेवा ही केवळ मदत नसते, तर ती माणुसकीची ओळख असते. संघर्षाच्या वाटेवर आलेल्या बांधवांच्या पाठीशी उभे राहून त्यांची भूक भागविण्याचा हा छोटासा प्रयत्न सामाजिक एकोपा, आपुलकी आणि बंधुभावाचा मोठा संदेश देणारा ठरला.
